لاہور (نیوز 6 رپورٹ ) لاہور ہائیکورٹ ، نوازشریف مریم نواز اور دیگر کا نام ای سی ایل میں شامل کرنے کے لی درخواست پر سماعت آج ہوگی۔عدالت نے وفاقی حکومت سیکرٹری داخلہ پاکستان اور دیگر فریقین سے جواب طلب کر رکھا ہےجسٹس عابد عزیز شیخ آمنہ ملک کی درخواست پر سماعت کرئے گے۔درخواست میں وفاقی حکومت وزارت داخلہ نیب ایف آئی اے اور دیگر کو فریق بنایا گیا ہے۔ درخواست گزار کی جانب سے موقف اختیار کیا گیا ہے کہ وفاقی کابینہ کی مداخلت کے باعث نواز شریف مریم اور دیگر کا نام ای سی ایل میں نہیں ڈالا گیا۔کسی بھی شہری کا نام ای سی ایل میں ڈالنے کا اختیار وزارت داخلہ کے پاس ہے۔وزارت داخلہ کےای سی ایل سے متعلق فیصلوں میں وفاقی کابینہ کی مداخلت اور اجازت غیر آئینی ہے۔سپریم کورٹ ای سی ایل کے معاملے میں وفاقی کابینہ کی مداخلت غیر قانونی قرار دے چکی ہے۔ایف آئی اے نیب اور دیگر تحقیقاتی ادارے ای سی ایل سے متعلق صرف وزارت داخلہ سے درخواست کر سکتے ہیں۔کسی شہری کا نام ای سی ایل میں ڈالنے یاں نکالنے سے متعلق وفاقی کابینہ کی مداخلت آئین کے آرٹیکل 90 اور 91 کی خلاف ورزی ہے۔عدالت ای سی ایل معاملات پر وفاقی کابینہ کی وزارت داخلہ کے امور میں مداخلت کالعدم قرار دے۔عدالت نواز شریف مریم نواز اور دیگر کا نام ای سی ایل میں ڈالنے کا حکم دے۔
Post a Comment