شہنشاہ غزل مہدی حسن کی آج 91ویں سالگرہ منائی جارہی ہے.

لاہور (رپورٹ ۔ نیوز 6) شہنشاہ غزل مہدی حسن کی آج 91ویں سالگرہ منائی جارہی ہے۔مہدی حسن 18 جولائی 1927 کو بھارتی ریاست راجستھان کے علاقے ’لونا‘ میں موسیقی سے شغف رکھنے والے گھرانے میں پیدا ہوئے، یہی وجہ تھی کہ انہیں بچپن سے ہی گلوکاری کا شوق تھا۔انہوں نے اپنے والد استاد عظیم خان سے موسیقی و گلوکاری کے تمام رنگ سیکھے اور پہلی مرتبہ 1956 میں ریڈیو پاکستان میں گلوکاری کے جو ہر دکھائے۔شہنشاہ غزل نے پہلی مرتبہ فلم ’شکار‘ کا ایک گانا ’نظر ملتے ہی دل کی بات کا چرچا نہ ہوجائے‘ گایا جس سے خوب داد سمیٹی۔بعد ازاں انہوں نے گیتوں کے ساتھ 1964 میں غزلیں گانا شروع کیں اور پہلی بار معروف اردو شاعر فیض احمد فیض کی غزل ’ گلو میں رنگ بھرے‘ میں اپنی س ±ریلی آواز شامل کی۔مہدی حسن نے اصل شہرت غزلوں سے حاصل کی جس کی وجہ سے انہیں آج شہنشاہ غزل کے نام سے یاد کیا جاتا ہے۔ان کی مقبول غزلوں میں ’رنجش ہی سہی‘، ’ایک بس تو ہی نہیں‘، ’یوں زندگی کی راہ میں‘، ’کیسے چھپاو ¿ں راز غم‘، ’دل ناداں تجھے ہوا کیا ہے‘، ’آج تک یاد ہے وہ پیار کا منظر‘ اور دیگر شامل ہیں۔مہدی حسن نے بھارت کے کئی مقبول گلوکاروں کو موسیقی کے سُر سکھائے۔حکومت پاکستان کی طرف سے مہدی حسن کو موسیقی میں نمایاں کارکردگی پر صدارتی تمغہ امتیاز اور ہلال پاکستان کے اعزاز سے بھی نوازا گیا۔شہنشاہ غزل کی 91 ویں سالگرہ کے موقع پر انٹرنیٹ سرچ انجن گوگل نے بھی اپنا ڈوڈل تبدیل کر دہا اور مہدی حسن کو ڈوڈل کی صورت میں خراج عقیدت پیش کر رہا ہے۔ مہدی حسن شدید علالت کے باعث 13 جون 2012 کو دنیائے فانی سے کوچ کر گئے تھے لیکن ان کی س ±ریلی آواز مداحوں کے کانوں میں آج بھی ان کی یادیں تازہ رکھتی ہے۔