پاکستان تحریک انصاف کو الیکشن سے قبل بڑا دھچکا لگ گیا

لاہور (رپورٹ نیوز ۶ )پاکستان تحریک انصاف کو الیکشن سے قبل بڑا دھچکا لگ گیا۔ پاکستان تحریک انصاف کے آفتاب اکبر انتخابی دوڑ سے باہر ہو گیا۔ تفصیلات کے مطابق الیکشن 2018ءمیں اب کچھ روز ہی باقی رہ گئے ہین تاہم اس سے قبل پاکستان تحریک انصاف کو بڑا دھچکا لگ گیا ہے۔۔پی ٹی آئی کو یہ دھچکا چکوال سے لگا جہاں تحریک انصاف کے اہم رہنما سردار آفتاب اکبر الیکشن کی دوڑ سے باہر ہو گئے ہیں۔میڈیا رپورٹس میں بتایا گیا ہے کہ سپریم کورٹ آف پاکستان میں انتخابی عذرداری کی سماعت کے دوران حلقہ پی پی 23 چکوال سے پی ٹی ا?ئی کے امیدوار سردار آفتاب اکبر کو نا اہل قرار دے دیا گیا ہے۔جب کہ سماعت کے دوران آزاد امیدوار غلام عباس کو بھی نا اہل قرار دے دیا گیا ہے۔عدالت عظمیٰ کی جانب سے درخواستیں مسترد کیے جانے کے بعد سردار غلام عباس اور سردار آفتاب اکبر الیکشن 2018ءکی دوڑ سے باہر ہوگئے ہیں۔دوران سماعت چیف جسٹس آف پاکستان نے دونوں سیاسی رہنماو ¿ں کے حوالے سے اہم ریمارکس دئیے۔۔چیف جسٹس کا کہنا تھا کہ سردار غلام عباس کا تو انکم ٹیکس ریکارڈ ہی نہیں ہے۔جس پر سردار غلام عباس کے وکیل نے عدالت عظمی کو جواب دیا اور کہا کہ انکم ٹیکس ریکارڈ تو اس لیے نہیں ہے کہ ان کی آمدن ہی نہیں ہے۔جس کے بعد چیف جسٹس نے ریمارکس دئیے کہ آگر آمدن نہیں ہے تو الیکشن کیسے لڑیں گے؟۔جسٹس اعجاز الاحسن نے کہا کہ آپ نے جائیداد بھی ظاہر نہیں کی۔ غلام عباس کے وکیل کامران مرتضیٰ نے جواب دیا کہ تمام جائیداد ظاہر کی ہے، یہ وراثتی جائیداد ہے۔۔چیف جسٹس نے ریمارکس دیے کہ افسوس ہے کہ ہمارے عوامی نمائندے اعلیٰ معیار پر مشکل سے پورا اترتے ہیں۔ عدالت نے فیصلہ سناتے ہوئے درخواست مسترد کردی اور کہا کہ وجوہات تفصیلی فیصلے میں بتائی جائیں گی۔