اسلام آباد(رپورٹ نیوز 6)سپریم کورٹ نےبوزارت خزانہ کی جانب سے بھاشا ڈیم کی تعمیر کے لئےبینک اکاونٹ کھولنے کا نوٹس لے لیاہے۔چیف جسٹس نے اٹارنی جنرل کو اس معاملے پر وزیراعظم سے بات کرکےعدالت کو آگاہ کرنے کی ہدایت کردی اور کہا کہ لوگ ڈیم کے لیے پیسے لے کر گھوم رہے ہیں، کسی کو کمیشن کھانے دیں گے نہ ہی ایک دھیلے کی کرپشن ہونے دیں گے، عدالت پہرہ دے گی۔سپریم کورٹ میں ایک کیس کی سماعت کے دوران چیف جسٹس نے وزارت خزانہ کی جانب سے ڈیم کی تعمیر کے لیے بینک اکاؤنٹ کھولنے کا نوٹس لے لیا۔چیف جسٹس نے ریمارکس دیے کہ اسٹیٹ بینک تاثر قائم کر رہا ہے کہ اکاؤنٹ حکومت نے کھولا ہے جبکہ لوگ کہہ رہے ہیں حکومت کے اکاؤنٹ میں پیسے جمع نہیں کرائیں گے۔
انہوں نے کہا کہ اسٹیٹ بینک نے دیامر بھاشا ڈیم کی تعمیر کیلئے رجسٹرار سپریم کورٹ کے نام پر اکاؤنٹ کھولنے میں تین دن لگادیے، لوگ ڈیم کے لیے پیسے لے کر گھوم رہے ہیں،ان کے ہاتھ چومنے چاہئیں۔چیف جسٹس نےکہا کہ سپریم کورٹ نے فنڈز قائم کیے ہیں کسی کو کمیشن کھانے دیں گے نہ ایک دھیلے کی کرپشن ہونے دیں گے، ڈیم کے لیے بنائے گئے اکاؤنٹ کا آڈٹ ہوگا، خود پہرہ دیں گے۔
Post a Comment