پشاور( رفعت سلیم) مسلم لیگ (ن) خیبرپختونخوا کے صدر امیر مقام نے نیب میں پیشی کے لیے وقت مانگ لیا۔قومی احتساب بیورو (نیب) خیبرپختونخوا نے مسلم لیگ (ن) کے رہنما امیر مقام کو غیر قانونی اثاثے بنانے سے متعلق شکایات پر 12 جولائی کو طلب کیا تھا لیکن وہ پیش نہیں ہوئے تھے۔ امیر مقام نے نیب میں پیشی سے آج بھی معذرت کرلی اور وقت مانگ لیا۔ امیر مقام نے نیب کو درخواست بھیجی ہے جس میں کہا گیا ہےکہ وہ انتخابی مہم کےباعث پیش نہیں ہوسکتے اس لیے انہیں وقت دیا جائے۔نیب کے مطابق امیر مقام پر اسلام آباد، لاہور پشاور میں جائیدادیں جب کہ سوات، شانگلہ اور پشاور میں زرعی اراضی خریدانے کا الزام ہے۔
Post a Comment