راولپنڈی(نیوز 6رپورٹ) سابق وزیراعظم نواز شریف کے داماد کیپٹن (ر) محمد صفدر قومی احتساب بیورو (نیب) کو گرفتاری دینے راولپنڈی میں (ن) لیگ کی ریلی میں موجود ہے اور ریلی مختلف علاقوں پر گشت کر رہی ہے۔ کیپٹن (ر) صفدر نے ا?ڈیو بیان میں اعلان کیا تھا کہ وہ ا?ج نیب کو اپنی گرفتاری دے دیں گے تاہم انہوں نے اپنا مقام خفیہ رکھا اور اب وہ راولپنڈی میں اچانک (ن) لیگ کی ریلی میں پہنچ گئے۔ ریلی میں چوہدری تنویر، ملک ابرار، شکیل اعوان اور دیگر مقامی پارٹی رہنما موجود ہیں اور کیپٹن (ر) صفدر ریلی کی قیادت کر رہے ہیں جس میں کارکنان کی بڑی تعداد موجود ہے۔ (ن) لیگی رہنماو ¿ں کی ریلی لیاقت روڈ سے راجا بازار کی جانب گامزن ہے جب کہ کیپٹن (ر) صفدر کی گرفتاری کے لیے نیب کی ٹیم بھی ریلی کے قریب موجود ہے۔اس سے قبل اپنے ا?ڈیو بیان میں کیپٹن (ر) صفدر نے کہا تھا کہ جہاں سے پارٹی نے فیصلہ کیا میں اس شہر سے گرفتاری دینے جارہا ہوں۔ان کا مزید کہنا تھا کہ (ن) لیگ ہزارہ ڈویڑن سے کلین سوئپ کرے گی، عوام سردار محمد یوسف کی قیادت میں مسلم لیگ (ن) کے امیدواروں کو ووٹ دیں۔ یاد رہے کہ احتساب عدالت نے ایون فیلڈ ریفرنس میں کیپٹن (ر) صفدر کو ایک سال قید کی سزا کا حکم سنایا تھا جب کہ اسی ریفرنس میں سابق وزیراعظم نواز شریف کو 10 سال اور مریم نواز کو 7 سال قید کا حکم دیا گیا ہے۔
Post a Comment