عام انتخابات کیلئے22کروڑ بیلٹ پیپرز کی چھپائی کا آغاز پاک فوج کی نگرانی میں شروع کر دیا گیا ہے ، بابر یعقوب ملک

اسلام آباد(رپورٹ رفععت سلیم) سیکرٹری الیکشن کمیشن بابر یعقوب ملک نے کہاہے کہ اگلے عام انتخابات کیلئی2 2کروڑ بیلٹ پیپرز کی چھپائی کا آغاز پاک فوج کی نگرانی میں شروع کر دیا گیا ہے ،بیلٹ پیپرز کی چھپائی 20جولائی تک مکمل کر لی جائے گی،خیبر پختونخوا اور فاٹا کو بیلٹ پیپرز کی سپلائی بذریعہ جہازجبکہ سندھ اور بلوچستان کو بذریعہ روڈ پہنچائے جائیں گے،پنجاب اور خِیبر پختونخوا میں پولنگ سٹیشنز کی صورتحال بہتر جبکہ سندھ اور بلوچستان میں کوئی خاص تبدیلی نہیں آئی ہے ،تبادلوں اور تعیناتیوں میں الیکشن کمیشن صرف اجازت دینے تک اختیار رکھتا ہے سفارشات متعلقہ محکموں کی جانب سے بھجوائی جاتی ہیں ،اثاثے نہ جمع کرانے والے نگران وفاقی اور صوبائی وزرا کے خلاف آج کاروائی کیجائے

ان خیالات کا اظہار انہوں نے اسلام آباد میں بیلٹ پیپرز کی چھپائی کا معائنہ کرنے کے بعد میڈیا سے بات چیت کرتے ہوئے کیاانہوںنے کہاکہ اگلے عام انتخابات کیلئے بیلٹ پیپرز کی چھپائی کا آغاز کر دیا گیا ہے اور تقریباً22کروڑ کے قریب بیلٹ پیپرز کی چھپائی 20جولائی سے تک مکمل کر لی جائے گی انہوںنے بتایاکہ 10کروڑ سے زائد بیلٹ پیپرز سیکورٹی پرنٹنگ پریس کراچی 7کروڑ کے قریب پوسٹل پرنٹنگ پریس جبکہ تین کروڑ سے زائدپرنٹنگ کارپوریشن میں چھاپی جائیں گی انہوںنے بتایاکہ کراچی سیکورٹی پرنٹنگ پریس میں چھپنے والے بیلٹ پیپرزسندھ ،بلوچستان اور جنوبی پنجاب کو بھجوائے جائیں گے جبکہ پرنٹنگ کارپوریشن میں چھپنے والے بیلٹ پیپرز خیبر پختونخوا اور پوسٹل پرنٹنگ پریس میں چھپنے والے بیلٹ پیپرز پنجاب کو سپلائی کئے جائیں گے انہوںنے کہاکہ بیلٹ پیپرز کی چھپائی کیلئے واٹر مارک پیپر منگوایا گیا ہے جس میں خصوصی فیچر ز موجود ہیں جس کی نقالی کرنا ممکن نہیں ہے اسی طرح بیلٹ پیپرزکی نمبرنگ بھی پرنٹنگ پریس میں ہوگی اور گذشتہ انتخابات کے موقع پر بیلٹ پیپرز کی نمبرنگ کے حوالے سے جو شکایات تھی اس کا خاتمہ کر دیا گیا ہے سیکرٹری الیکشن کمیشن نے کہاکہ پرنٹنگ پریسوں کو بیرون ملک سے درآمد ہونے والے بیلٹ پیپرز کی ترسیل جاری ہے جس میں سی ون تھرٹی طیاروں سمیت پی آئی اے کا خصوصی تعاون حاصل ہے انہوںنے کہاکہ پنجاب اورسندھ کو چھاپ شدہ بیلٹ پیپرز کی ترسیل بزریعہ روڈ جبکہ خیبر پختونخوا فاٹا اور بلوچستان کو بذریعہ جہاز بھجوائے جائیں گے ایک سوال کے جواب میں سیکرٹری الیکشن کمیشن نے کہاکہ الیکشن کمیشن نے جمعہ کے روز نگران وفاقی اور صوبائی وزرا کو اپنے اثاثوں کی تفصیلات الیکشن کمیشن میں جمع کرانے کی یاد دہانی کرائی تھی اور اب تک جن وفاقی اور صوبائی وزرا نے الیکشن کمیشن کو اپنے اثاثوں کی تفصیلات جمع نہیں کرائی ہیں ان کو کام کرنے سے روک دیا جائے گا انہوںنے کہاکہ ملک بھر کے سرکاری اداروں میں ٹرانسفر اور پوسٹنگ کے معاملات میں الیکشن کمیشن کا کوئی کردار نہیں ہے متعلقہ ادارے الیکشن کمیشن کو اپنے اپنے اداروں میں تعیناتیوں اور تبادلوں کی سفارشات بھجواتے ہیں اور الیکشن کمیشن اپنے اختیارات کے مطابق ان کی منظوری دیتا ہے انہوںنے کہاکہ کسی بھی انتخابی نشان کی الاٹمنٹ میں الیکشن کمیشن کا کوئی کردار نہیں ہے اور تمام انتخابی نشانات ریٹرننگ افسران جاری کرتے ہیںانہوںنے بتایاکہ الیکشن کمیشن نے انتخابات سے قبل پورے ملک میں پولنگ سٹیشنوں کو موزوں مقامات پر لانے اور تمام تر بنیادی سہولیات مہیا کرنے کیلئے چاروں صوبائی حکومتوں کے ساتھ گذشتہ کئی مہینوں سے مشاورت جاری رکھی تھی جس کے نتیجے میں پنجاب اور خیبر پختونخوا میں پولنگ سٹیشنوں کی صورتحال کچھ بہتر ہوئی تاہم سندھ اور بلوچستان میں زیادہ بہتری نہیں آئی ہے انہوںنے کہاکہ الیکشن کمیشن ملک میں شفاف اور غیر جانبدار انتخابات کے انعقاد پر اپنی پوری توجہ مرکوز کی ہوئی ہے ۔